Чыгармачыл союздардын жана илимий интеллигенциянын “Улуттук дем – дүйнөлүк бийиктик” аттуу республикалык форумунун үчүнчү этабы 2-апрелде өтөт. Мамлекеттик катчынын социалдык тармактар аркылуу жыл башындагы кайрылуусу менен интеллектуалдародын форумуна старт берилген эле. Чыгармачыл жана илимий интеллигенциянын улуттук формунун форматы, күн тартиби дээрлик аныкталды.
Албетте, өнөр адамдарынын күткөнү арбын, үмүтү зор. Көркөм өнөр адамдарынын жана илимпоздордун форуму улуттук маданий баалуулуктарды даңазалоого жана чыгармачыл коомчулук менен илимий интеллигенциянын кызматташтыгын бекемдөөгө салымы талашсыз. Анын үстүнө “Кыргыз ренессансы: Жаңы толкун” урааны өөр адамдарына, айрыкча жаштарга дем бергенсиди. Жаңы доордо кыргыз кереметин кайра жаратабыз деген интеллектуалдык кыймыл да башталды көрүнөт.