Адылбек Касымалиев Кыргыз Республикасынын Финансы министрлигинин борбордук аппаратынын жамаатына ведомствонун жаңы жетекчиси Руслан Сүйналиевди тааныштырды.
Тааныштыруу учурунда Касымалиев экономикалык туруктуулукту камсыз кылууда жана мамлекеттик программаларды ишке ашырууда Финансы министрлигинин өзгөчө ролун белгиледи. Анын айтымында, ведомствонун алдында жогорку кесипкөйлүктү жана ыкчам чечим кабыл алууну талап кылган маанилүү максаттар турат.
Жолугушуунун соңунда Министрлер кабинетинин төрагасы министрликтин жамаатына жана жаңы жетекчиге ийгиликтерди каалап, алдыдагы иштерге ишеним билдирди.