Кыргызстанда «Түндүк» системасын башкаруу укугу президенттин администрациясына өткөрүлөт. Бул тууралуу тиешелүү жарлыкка кол коюлду.
Жарлыкка ылайык, буга чейин Министрлер кабинетинин акционер катары укуктарын ишке ашырып келген Санариптик өнүктүрүү министрлигинин ыйгарым укуктары эми президенттин иш башкармалыгына берилет.
Документ расмий жарыяланган күндөн тартып он күндөн кийин күчүнө кирет.