Ата мекендик продукцияны Россия рыногуна илгерилетүү максатында «Кыргыз Экспорт» борбору менен «ВБ Кейджи» ЖЧКсы кызматташуу тууралуу меморандумга кол коюшту.
Макулдашууга ылайык, Wildberries маркетплейсинде кыргыз өндүрүүчүлөрүнүн товарлары жайгаштырылуучу «Кыргызстанда жасалган» аттуу атайын бөлүм ачылат.
Бул демилге ата мекендик товарлардын таанымалдыгын жогорулатууга, экспорттук мүмкүнчүлүктөрдү кеңейтүүгө жана кыргыз продукциясынын россиялык керектөөчүлөр үчүн жеткиликтүүлүгүн арттырууга багытталган.
Адистердин баамында, жаңы бөлүм жергиликтүү өндүрүүчүлөр үчүн ири рынокко чыгууга жана сатуу көлөмүн көбөйтүүгө шарт түзөт.