Кыргыз Республикасынын президенти Садыр Жапаров Жарандык кодекске жана Жарандык процесстик кодекске өзгөртүүлөрдү киргизүү тууралуу мыйзамга кол койду.
Мыйзам Жогорку Кеңеш тарабынан 2026-жылдын 26-февралында кабыл алынган.
Анын негизги максаты — аракетке жөндөмсүз деп табылган жарандардын укуктарын коргоону күчөтүү, алардын өз укуктарын коргоого катышуу мүмкүнчүлүгүн кеңейтүү жана аракетке жөндөмдүүлүгүн калыбына келтирүү жол-жобосун жөнөкөйлөтүү.