9-апрелден 14-апрелге чейин Кыргызстандын тоолуу аймактарында кар көчкү түшүү жана бороон-чапкын коркунучу жогорулайт. Бул тууралуу Транспорт жана коммуникациялар министрлиги билдирди.
Маалыматка ылайык, эң кооптуу абал төмөнкү негизги автожолдордо күтүлүүдө:
• Бишкек — Ош жолу (120-140-чакырым, Тоо-Ашуу ашуусу);
• Суусамыр — Талас — Тараз жолу (1-14-чакырым, Өтмөк ашуусу);
• Бишкек — Нарын — Торугарт жолу (292-305-чакырым, Долон ашуусу);
• Барскоон — Ак-Шыйрак жолу (52-68-чакырым, Соок ашуусу).
Жол кызматтары буга чейин даярдык иштерин жүргүзүшкөн. Кооптуу тилкелерге атайын техника тартылып, жолдорду тазалоо үчүн кум-туз аралашмасынын кору даярдалган.
Министрлик айдоочуларды сак болууга жана аба ырайы начарлаган учурда мүмкүн болушунча алыс жолго чыкпоого чакырат.