Бишкекте 11-12-апрель күндөрү азык-түлүк жарманкеси өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, жарманкелерге жергиликтүү өндүрүүчү, дыйкан жана кол өнөрчүлөр катышып, социалдык маанилүү азык-түлүк товарларын сунушташат.
Жарманке борбор калаадагы Т.Усубалиев атындагы аянтта уюштурулат.
Мындай жарманкелер өлкө аймагында июнь айына чейин өткөрүлөт.
Катышуучулар үчүн талаптар:
- Сунушталган продукция сапаттуу жана гигиеналык талаптарга жооп бериши керек;
- Баалар базар баасынан төмөн белгилениши зарыл;
- Райондук агрардык башкармалыктан тастыктоочу документтин болушу милдеттүү.
Тийиштүү маалымат үчүн Суу ресурстары, айыл чарба жана кайра иштетүү өнөр жайы министрлигине кайрылуу зарыл.