Кыргызстандагы суу объекттерине 2024-жылы 28 миллиондон ашык балык чабагы коё берилген. Бул тууралуу Жогорку Кеңештин Агрардык комитетинин жыйынында Балык чарба департаментинин директорунун орун басары Нуразамат Акпаралы уулу билдирди.
Анын айтымында, 2025-жылы бул көрсөткүч өсүп, сууларга 29 миллиондон ашык балык чабагы коё берилген.
“Балыктарды көбөйтүү иштери бир катар ири суу объекттеринде жүргүзүлдү. Алардын катарына Ысык-Көл, Соң-Көл, Орто-Токой жана Токтогул суу сактагычтары, ошондой эле Күрпсай, Таш-Көмүр жана башка суу сактагычтар кирет”, — деп кошумчалады ал.