“Кыргызалтын” ААКсынын акционерлери 2025-жылдагы таза пайданын 100 пайызын мамлекеттик бюджетке дивиденд түрүндө төлөө чечимин кабыл алышты.
Бул чечим компаниянын каржылык-чарбалык ишмердүүлүгүнүн жыйынтыгы чыгарылган жылдык жалпы акционерлер жыйынында кабыл алынды.
2025-жылдын жыйынтыгы боюнча “Кыргызалтындын” кирешеси 20,7 миллиард сомду, ал эми таза пайдасы 18,7 миллиард сомду түздү. 2024-жылга салыштырмалуу пайда 9 пайызга өсүп, компания үчүн рекорддук деңгээлге жетти.
Белгилей кетсек, “Кыргызалтын” ААКсынын негизги акционери — Мамлекеттик мүлктү башкаруу боюнча мамлекеттик агенттик (акциялардын 99 пайызы), ал эми 1 пайызы Финансы министрлигине таандык.