Залкар жазуучу Чыңгыз Айтматовдун Бишкек шаарындагы үй-музейи жаңылоо иштерине даярдалууда. Бул тууралуу Ленин райондук муниципалдык администрациясынан билдиришти.
Маалыматка ылайык, күн мурун үй-музейдин аймагында көчмө жыйын өткөрүлүп, имаратты кайра калыбына келтирүү жана айланасын көрктөндүрүү маселелери жеринде талкууланды.
Жыйында музейдин имаратын оңдоо, жашылдандыруу иштерин күчөтүү, заманбап сугаруу системасын орнотуу жана тышкы жарыктандырууну жаңылоо пландары каралды. Ошондой эле аймактагы инфраструктураны жакшыртуу жана келген коноктор үчүн ыңгайлуу шарттарды түзүү боюнча сунуштар берилди.
Жыйындын жыйынтыгында тиешелүү кызматтарга иштерди белгиленген мөөнөттө аткаруу боюнча конкреттүү тапшырмалар жүктөлдү.