Күйүүчү майдан алынган салыктан февраль айында 172 миллион сом чогулган.
2025-жылдын февраль айында 222 миллион литр күйүүчү-майлоочу майлар маркаланган. Бул тууралуу Жогорку Кеңештин Транспорт, коммуникациялар, архитектура жана курулуш боюнча комитетинин жыйынында транспорт жана коммуникация министринин орун басары Бекназар Базаралиев билдирди.
Анын айтымында, буга чейин жол фондуна 172 млн сом түшкөн. Калган акча 10-мартка чейин түшөт.Ал жол фондунда бекитилген 17 киреше булагы бар экенин, бирок иш жүзүндө алардын 10у гана иштеп жатканын белгиледи.