Михаил Саакашвили «костюм иши» деп аталган иш боюнча 9 жылга эркинен ажыратылды. Грузиянын экс-президенти ири өлчөмдө бюджеттик каражаттарды уурдоо боюнча күнөөлүү деп табылды. Бул тууралуу Эхо Кавказа” радиосу жазды.
Мындай чечимди Тбилиси шаардык сотунун судьясы Бадри Кочламазашвили чыгарды. Сот Атайын коопсуздук кызматынын мурдагы башчысы Теймураз Жанашияны кызмат абалынан кыянаттык менен пайдаланган деп таап, 300 миң лари айыпка жыккан.
Саакашвили менен Жанашия буга чейин айыптоолорду четке кагып, сот саясий мүнөзгө ээ экенин айтып келишкен.