Министрлер Кабинетинин Төрагасы Адылбек Касымалиев Дүйнөлүк банктын Борбордук Азия боюнча аймактык директору Татьяна Проскурякова жетектеген делегация менен жолугушту.
Тараптар Камбар-Ата ГЭС-1ди куруу долбоору боюнча пикир алышты. Мындан тышкары, Дүйнөлүк банк тарабынан бюджеттик колдоого байланышкан маселелер, ошондой эле өлкөнүн инвестициялык климатын жакшыртуу боюнча сунуштар талкууланды.
“Кыргыз Республикасы Дүйнөлүк банк менен болгон көп жылдык колдоону жана өнөктөштүктү жогору баалайт. Ал өлкөбүздүн негизги өнөктөшү гана эмес, өнүгүүгө багытталган реформаларды ишке ашырууда ишенимдүү өнөктөш»,
— деди Адылбек Касымалиев.