Жогорку Кеңештин депутаттары кайрадан кызматтык автоунаа айдашат. Садыр Жапаров февралдын башында парламент кабыл алган мыйзам долбооруна кол койду.
Буга чейин вице-спикер Нурбек Сыдыгалиев кызматтык унаалар депутаттардын эффективдүү иштеши үчүн зарыл экенин билдирген. Депутаттар иш-чараларга катышып, ошондой эле аймактардагы көйгөйлөр менен таанышышы керек деп белгилеген ал.
Парламенттин алтынчы чакырылышынын депутаттары бюджеттин акчасын үнөмдөө максатында кызматтык унаалардан баш тартышкан. 2022-жылы унаалар аял депутаттарга гана берилген.