Бишкек шаарынын Масалиев көчөсүндөгү жөө өтмөк эртең жабылат. Милициянын кайгуул башкармалыгы видео кайрылуу жасады.
«Бул абдан көйгөйлүү жөө өтмөк болуп жатат. Тийиштүү кызматтардын баары менен биргеликте бул өтмөктү жабалы деп чечтик. Эртеңден баштап ортолоруна тосмолор коюлат«, — деп айтылат кайрылууда.
Эскерте кетсек, кечээ жол кырсыгы катталган учурдун видеосу жарыяланган. Анда шаар тургуну акыркы күндөрү бул көчөдө кырсыктар көп болуп, адам өмүрүн алган окуялар да болгонун айтып, тиешелүү органдарга бул маселени чечүүнү суранган.