26-марттан тарта электрондук товардык-транспорттук коштомо кагазды (ЭТТК) текшерген бир катар ички посттор жоюлду. Бул тууралуу Салык кызматы маалымдады.
Маалыматта айтылгандай, ЭТТКны милдеттүү түрдө колдонуу жокко чыгарылганына байланыштуу салык органдарынын Чүй облусундагы «Кемин» жана «Сосновка», ошондой эле Жалал-Абад облусундагы «Кара-Көл» көзөмөл пункттарындагы ички посттору жоюлду.
Мындан ары аталган посттордо Салык кызматынын кызматкерлери тарабынан товарлардын коштоочу документтери текшерилбейт.