Мамлекеттик салык кызматынын төрагасы Алмамбет Шыкмаматов Таласта жергиликтүү ишкерлер жана тургундар менен жолугушту. Ачык диалог форматында өткөн жолугушууда салык системасындагы акыркы өзгөрүүлөр жана президенттин жаңы жарлыгы тууралуу маалымат берилди.
Шыкмаматов соода ишмердүүлүгү үчүн патент системасын кайтаруу чечими туура болгонун белгилеп, бул кадам ишкерлер үчүн шарттарды жеңилдетерин айтты. Жолугушууда салык отчеттуулугу, электрондук эсеп-фактуралар жана ККМ колдонуу боюнча суроолор талкууланып, ишкерлер өз сунуштарын айтышты.
Салык кызматы мындан ары да ачык-айкын саясат жүргүзүп, ишкерлер менен тыгыз иштешүүнү уланта турганын билдирди.