2024-2025-окуу жылында Кыргызстан боюнча 11-классты 80 миң 348 бүтүрүүчү аяктады. Бүгүн өлкө мектептеринде салтка айланган “Акыркы коңгуроо” салтанаты өтүп жатат.
Агартуу министрлигинин маалыматына караганда, иш-чараларды өткөрүүдө коопсуздукка өзгөчө көңүл бурулууда. Мектеп жетекчилерине ар кандай каражат чогултууга жана кошумча иш-чараларды уюштурууга тыюу салынган. Ошондой эле гелий шарларды, фейерверктерди колдонууга болбойт.
Мындан сырткары, Ички иштер министрлигинин кызматкерлери күчөтүлгөн тартипте иш алып барып, коомдук жана жол кыймылынын коопсуздугун камсыздайт.