Польшада өткөн президенттик шайлоонун экинчи турунда оппозициядагы “Укук жана адилеттүүлүк” партиясынын талапкери Кароль Навроцкий 51% добуш менен алдыда барат. Бул тууралуу Мамлекеттик шайлоо комиссиясынын 99,55% бюллетендери иштелип чыккандан кийинки маалыматка таянып, Польша телеберүүсү билдиргенин РИА Новости жазды.
Анын негизги атаандашы — «Жарандык коалициянын» талапкери Рафал Тшасковский 49% добуш алды.
Кечээ кечинде өткөн шайлоонун экинчи турунда добуш берүү аяктагандан кийин жүргүзүлгөн exit poll сурамжылоосу Тшасковскийди 50,3% менен алдыда деп көрсөткөн. Бирок кийинчерээк жарыяланган late poll жыйынтыгында Навроцкий 50,7% менен алдыга чыкканы маалым болду.
Расмий жыйынтык 100% бюллетендер эсептелгенден кийин — дүйшөмбү кечинде же шейшемби күнү жарыяланат.