Кыргызстарндын самбо боюнча улуттук курама командасынын мүчөсү Акак Үсөн кызы дүйнө кубогунда күмүш медаль утту. Бул тууралуу Дене тарбия жана спорт мамлекеттик агенттиги билдирди.
Маалыматка ылайык, мелдеш Армениянын Ераван шаарында өтүп жатат. Спортчу 54 кг чейинки салмакта күжүрмөн самбо боюнча катышкан. Биринчи айлампада украиналык спортчуну жана экинчи айламапада түркмөнстандык спортчуну жеңип, финалга чыккан.
Алтын медаль үчүн беттеште россиялык спортчуга жеңилип, дүйнө кубогунун күмүш медалына ээ болду.