Саламаттык сактоо министрлигине караштуу Эне жана баланы коргоо улуттук борборуна SonoScape 550 үлгүсүндөгү эндоскопиялык медициналык жабдуулар тапшырылды. Бул тууралуу министрликтин басма сөз кызматы кабарлады.
Маалыматка ылайык, жабдуулар борбордун дарыгерлеринин кайрылуусунун негизинде балдар эндоскопия бөлүмү үчүн 16,5 млн сомго сатылып алынган. Аларды УКМК төрагасы Камчыбек Ташиев тапшырды.
Камчыбек Ташиев борбордун ишмердүүлүгү менен таанышып, медициналык кызматкерлер менен пикир алышты.
Эндоскопиялык жабдуулар ички органдарды изилдөөгө жана айрым хирургиялык процедураларды жүргүзүүгө мүмкүнчүлүк берет. Ошондой эле балдардагы оорулардын диагностикасын так жүргүзүүгө жана дарылоону жакшыртууга шарт түзөт.