10-июнда Жогорку Кеңештин төрагасы Нурланбек Тургунбек уулу Казакстан Республикасына иш сапары менен барды.
Маалыматка ылайык, кыргыз делегациясын Астанадагы Нурсултан Назарбаев атындагы эл аралык аба майданынан Казакстандын Парламентинин Мажилисинин төрагасынын орун басары Альберт Рау баштаган жетекчилер тосуп алды.
Иш сапардын алкагында Нурланбек Тургунбек уулу эки өлкөнүн Парламенттер аралык кеңешинин III жыйынына катышат.
Муну менен катар эртең Түрк мамлекеттеринин Парламенттик уюмунун кеңешинин кезектеги отуруму жана XIV пленардык жыйыны өтөт.
Тактап кетсек, кыргыз делегациясынын курамында депутаттар Улан Примов, Чолпон Султанбекова, Улан Бакасов, Айсулуу Мамашова жана Аппараттын жетекчиси Алайбек Алымбаев бар.