Ысык-Көлдө өткөн «Мейкин Азия 2025» эл аралык музыкалык фестивалына армян ырчысы жана обончусу Севак Ханагян конок катары катышып, Кыргызстан тууралуу жылуу пикирлери менен бөлүштү.
Ырчы буга чейин Кыргызстанга ондон ашык жолу келгенин айтып, бул өлкө ар дайым ага жагарын белгилеген.
“Адамдары боорукер, меймандос, сылык жана ар дайым жылуу тосуп алышат, ошондуктан бул жакка кайра-кайра келгиң келет”, — деген Севак.
Армян ырчысынын айтымында, катышуучулар күчтүү даярдык менен келишкен. Ал конкурстук аткаруучулардан кийин сахнага чыккандан сүрдөгүн айтты күлүп.
Ошондой эле Севак «Мейкин Азия» фестивалы жогорку деңгээлде өтүп, жарык, үн, уюштуруу иштери мыкты экенин дагы белгилеген.
Андан сырткары, Севак кеч келип калгандыктан кереметтүү көлгө түшүүгө жетишпей калганын айтып, кийинки келгенде сөзсүз түшөрүн кошумчалаган.