Эгемен Кыргызстандын тарыхында саламаттык сакчыларына арналган биринчи көркөм фильм тартылууда. Жалал-Абадда тартылып жаткан көркөм фильм 10 сериядан турат. Бүгүнкү күндө фильмдин 7-сериясы тартылып бүттү.
Фильмдин продюсерлеринин бири, жалпы улуттук “Кыргыз Туусу” гезити менен тыгыз кызматташып келе жаткан Барно Усманова редакцияга маалымдагандай, фильмди тартууга ковид пандемиясында өз жанын жан аябаган врачтар, айрыкча медиктерге карата айрым терс мамилелер себеп болгон.
Фильмде адамдын ден соолугу менен өмүрүн сактоого арналган ыйык кесиптин ээлеринин сүйүүсү жана арманы, кубанычы жана кайгысы, кыялдары жана реалдуу жашоосу, экзистенциалдык маселелери, айтор саламаттык сактоо кызматкерлеринин чыныгы турмушу жана ары түйшүктүү, ары сыймыктуу эмгеги көркөм образдар аркылуу чагылдырылууда.