Кыргызстанда 2025-жылы сасык тумоого каршы вакцина сатып алууга 19,99 миллион сомдон ашык каражат каралды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөлдөө департаментинен билдиришти.
Маалыматка ылайык, 63 миң 734 доза «Гриппол плюс» вакцинасы сатып алынат. Жеткирүүлөр сентябрь айына пландалган, андан соң аймактарга таратылат.
Салыштыруу үчүн:
-
2024-жылы — 67,8 миң доза,
-
2023-жылы — 90,7 миң доза,
-
2022-жылы — 82,7 миң доза сатып алынган.
Эмдөө акысыз жүргүзүлөт жана алгачкы кезекте тобокелдик тобундагы адамдарга арналат:
-
саламаттыкты сактоо кызматкерлери,
-
өнөкөт оорулары бар жарандар,
-
көп ооруган балдар,
-
65 жаштан жогору адамдар,
-
кош бойлуу аялдар.
Дарыгерлер эпидемиологиялык сезон башталганга чейин эмдөөдөн өтүүнү сунушташат. КРВИ сезону адатта октябрдан мартка чейин созулат, сасык тумоо көбүнчө ноябрдын аягынан январдын ортосуна чейин күчөйт.