Ош шаарынын мэри Жеңишбек Токторбаев үч эм кыздарга эки бөлмөлүү батирдин ачкычын тапшырды. Бул тууралуу шаардык мэриянын басма сөз кызматы билдирди.
Маалыматка караганда, Айзирек, Айтунук жана Айназик Муратовдор учурда 3-класста окушат. Алардын чоң энеси мэрге кайрылып, үй-бүлөнүн абалын түшүндүргөндөн кийин маселе оң жагына чечилди.
Жеңишбек Токторбаев үч эмдин келечеги кең болушун тилеп, аларды тез арада жаңы батирге көчүрүү тапшырмасын берген.