Кечээ Хорватиянын борбору Загреб шаарында өтүп жаткан күрөш боюнча дүйнө чемпионатында кыргызстандык балбан Айпери Медет кызы кыз-келиндер арасындагы 76 килограмм салмакта күмүш медалга ээ болду.
Ал финалда эквадордук Генезис Вальдез менен беттешип, 2:4 эсебинде жеңилүүгө дуушар болду.
26 жаштагы Айпери Медет кызы буга чейин да дүйнөлүк жана азиялык мелдештерде ийгилик жаратып келген.
Загребдеги дүйнө чемпионатында башка кыргыз балбандары да байгелүү болушту: Бекзат Алмаз уулу (57 кг) — күмүш, Эрназар Акматалиев (70 кг) — коло медаль тагынды.