Кыргызстанда түн ичинде күчү 6 баллга жеткен жер титирөө катталды. Бул тууралуу Улуттук илимдер академиясынын Сейсмология институту маалымдады.
Агенттиктин маалыматына ылайык, жер титирөө бүгүн саат 02:28де катталган. Очогунун жайгашкан жери — Талас кырка тоосу: Чакмак-Суу айылынан 23 чакырым түндүк-батышта, Башкы-Туш айылынан 25 чакырым түндүктө, Талас шаарынан болжол менен 85 чакырым түштүк-батышта.
Титирөөнүн күчү Чакмак-Сууда 5,5 балл, Башкы-Теректе 5 балл болуп сезилген. Ошондой эле Кара-Сай, Кек-Сай, Шекер, Кайнар, Чоң-Кара-Буура, Бакай-Ата айылдарында 4,5 баллга чейин жетсе, Таласта 4 баллдык термелүү катталды.
Кырсыктын кесепети тууралуу кошумча маалыматтар азырынча берилген жок.