Бишкек шаарында өткөн “Рулда” рейдинин жүрүшүндө бир түндө 1 168 жол эрежесин бузуу фактысы аныкталды. Бул тууралуу Милициянын кайгуул кызматы билдирди.
Маалыматка караганда, алардын ичинен:
мас абалда унаа башкарган — 37 айдоочу,
документи жок унаа айдаган — 40 айдоочу,
ар кандай мыйзам бузуулар үчүн 368 унаа айып короого токтотулган.
Милициянын маалыматына ылайык, мындай профилактикалык рейддер күн сайын өткөрүлүп, алардын негизги максаты — жол кырсыктарын алдын алуу жана коомдук коопсуздукту камсыз кылуу.