Япониянын Өрт коопсуздугу жана өзгөчө кырдаалдар менен күрөшүү башкармалыгынын маалыматына ылайык, 20-январдан бери өлкөдө катуу кар жаашы жана кышкы аба ырайынын кесепетинен 35 адам каза болду.
Шаршемби күнү эртең мененки саат 8:30га карата эң көп өлүм Ниигата аймагында катталып, анда 12 адам көз жумган. Акитада 7, Ямагатада 5, Хоккайдо жана Аомори аймактарында 4төн адам каза тапкан. Иватэ, Нагано жана Симанэ ргеиондорунан бирден адамдын өлүмү тууралуу маалымат түшкөн.
Өлкө боюнча жалпысынан 358 адам жаракат алган. Алардын арасында оор жана жеңил жаракат алгандар бар.
Маалыматка ылайык, каза болгондордун көпчүлүгү кар тазалоо иштеринде болгон кырсыктардан жана күтүүсүз ден соолукка байланыштуу оорулардан улам көз жумган.