Бүгүн Ош шаарынын мэри Жанарбек Акаев ар турдүү тармакта иш алып барган бизнес өкүлдөрү менен жолугуп, ишкерликти өнүктүрүү маселелерин талкуулады.
Мэр белгилегендей, өлкө башчысы Садыр Жапаров тарабынан коюлган милдеттердин алкагында Ош шаарына инвестиция тартуу багытындагы иштер күчөтүлүүдө.
Жолугушуунун жүрүшүндө ишкерлер шаар башчысына өз сунуш-пикирлерин жана ыраазычылыктарын билдиришти, ошондой эле ишкердикти жүргүзүүдө кездешкен көйгөйлөрдү да көтөрүштү.
Акаев көтөрүлгөн маселелерди карап чыгуу жана ишкерлерге колдоо көрсөтүү боюнча тиешелүү кызматтарга тапшырма берилгенин, ошондой эле ушундай жолугушуулар мындан ары да үзгүлтүксүз уюштурула турганын билдирди.