26-февралда тышкы иштер министри Жээнбек Кулубаев Түркмөнстандын Министрлер кабинетинин төрагасынын орун басары, тышкы иштер министри Рашид Мередов менен жолугушуу өткөрдү.
Жолугушууда кыргыз-түркмөн кызматташтыгынын орчундуу маселелери: соода-экономикалык, инвестициялык, транспорттук-логистикалык, энергетикалык ж.б тармактар жана эки тараптуу өз ара аракеттенүүнүн келечегин талкууланды.
Алдыдагы келишимдик-укуктук базаны өстүрүүгө, эл аралык уюмдардын алкагында өз ара аракеттенүүгө өзгөчө көңүл бурулду.
Министрлер Кыргыз Республикасынын президенти Садыр Жапаровдун Түркмөнстанга 2021-жылы жасаган расмий сапарында жетишилген макулдашууларды ишке ашыруунун жүрүшүн талкуулашты.
Жыйынтыгында эки өлкөнүн тышкы саясат башчылары Кыргыз Республикасынын Тышкы иштер министрлиги менен Түркмөнстандын Тышкы иштер министрлигинин ортосунда 2025-2026-жылдарга Кызматташуу Программасына кол коюшту.