Украинага жөнөтүлө турган Patriot ракеталары жана башка аскерий техникалар үчүн чыгымдарды Евробиримдик көтөрөт. Бул тууралуу АКШ президенти Дональд Трамп 13-июлда Вашингтондогу Эндрюс авиабазасында журналисттерге айтты.
«Биз аларга өтө зарыл болгон Patriotторду жөнөтөбүз. Путин күндүз жагымдуу сүйлөшөт, бирок кечинде баарын бомбалайт. Бул мага жакпайт», — деди Дональд Трамп.
АКШнын президентинин айтымында, Украинага ар түрдүү куралдар жөнөтүлөт, бирок кайсы европалык өлкөлөр аны каржылай турганы так айтылган жок.