Кыргыз Республикасынын Министрлер Кабинетинин Төрагасы – Президенттин Администрациясынын жетекчиси Адылбек Касымалиев “Бишкек жылуулук электр борборуна” барып, ишкананын учурдагы абалы жана жылытуу сезонуна даярдыгы менен таанышты.
Сапардын жүрүшүндө Касымалиев объекттин үзгүлтүксүз иштөөсүнө керектүү отун запастарынын көлөмүнө, сапатына жана кошумча камсыздоо планын өзгөчө белгиледи. Ошондой эле ал казан жана турбина жабдууларынын ишин жеке текшерип, жүктөм жогорулаган учурда да туруктуу иштөөгө даярдыгын баалады.
Кийин Министрлер Кабинетинин башчысы Энергетика министрлигинин, муниципалитеттин жана ЖЭБдин жетекчилери менен кеңейтилген жыйын өткөрдү. Ал жылытуу сезону үзгүлтүксүз жана сапаттуу өтүшү үчүн бардык жооптуу тараптардын координациясын күчөтүү зарылдыгын белгиледи.