Кыргыз Республикасынын Мамлекеттик салык кызматынын кызматкерлери норка терисин мыйзамсыз алып кирүү аракетине бөгөт коюшту.
Маалыматка ылайык, Ош шаарынын аэропортунда Россиядан келген жүргүнчүлөрдүн биринин жүгүн текшерүү учурунда тийиштүү коштомо документтери жок 451 даана (47 килограмм) норка териси табылган.
Бул боюнча мыйзамсыз жүктү алып кирүү фактысы катталып, тиешелүү актылар түзүлдү. Азыр бул окуя боюнча Кыргыз Республикасынын мыйзамдарына ылайык чаралар көрүлүүдө.