Кытай Эл Республикасы 2026/2027-окуу жылына карата өзүнүн алдыңкы университеттеринде бакалавриат, магистратура, докторантура жана кытай тили боюнча стажировка программалары үчүн Кыргызстандын жарандарына 15 мамлекеттик стипендия бөлөт. Бул тууралуу Илим, жогорку билим берүү жана инновация министрлиги билдирди.
Министрликтин маалыматына ылайык, бул гранттар 2015-жылы 16-декабрда Пекинде кол коюлган билим берүү тармагындагы кызматташуу боюнча ведомстволор аралык келишимдин алкагында сунушталууда.
Стипендия төмөнкүлөрдү камтыйт:
- окуу акысы;
- жатаканада жашоо;
- ай сайынгы стипендия;
- медициналык камсыздандыруу.
Ошол эле учурда учуу жана виза чыгымдары стипендияга кирбейт жана алар талапкердин жоопкерчилигинде калат.
Сынак талаптары жана толук маалымат student.edu.gov.kg порталында жарыяланды