Ысык-Көл облусунун Ак-Суу жана Түп райондорунда жашаган аз камсыз болгон үй-бүлөлөр 200 баш музоолуу саан уй менен кайтарымсыз негизде камсыздалды. Бул тууралуу Эмгек, социалдык камсыздоо жана миграция министрлиги маалымдады.
Маалыматка ылайык, мш-чарага министрдин биринчи орун басары Ализа Солтонбекова катышты. Демилге «Кумтор Голд Компани» тарабынан ишке ашырылды.
Жалпысынан 200 үй-бүлө ушул жардамды алды. Алардын ичинен 85 үй-бүлө мамлекеттик жөлөкпул алат:
-
Түп районунан — 61 үй-бүлө
-
Ак-Суу районунан — 24 үй-бүлө
Бул демилге мамлекеттик социалдык контракт механизми менен айкалышып, жакырчылыкты азайтуу жана калктын жыргалчылыгын жогорулатуу максатында мамлекеттик-жеке өнөктөштүктүн ийгиликтүү мисалы катары белгиленген.