2025-жылдын 1-июлунан тарта, автоунаа айдаган жеке жактарга милдеттүү ОСАГО полиси жок болсо, айып пул салынат. Жеке жактар үчүн айып пулдун көлөмү — 3 000 сом.
Негизи бул мыйзам 2015-жылдан бери бар, бирок жеке жактарга айып пул салуу 1-июлдан баштап гана колдонулат. ОСАГО — бул жөн гана формалдуулук эмес, жол кырсыгы болгондо сизди жана башкаларды коргогон каржылык коопсуздук. Ал жабыркагандарга келтирилген чыгымдын ордун төлөп берүү менен сизди чоң чыгымдардан сактайт.
Полисти азыртадан алып алыңыз!
Учурда камсыздандыруу компаниялары кеңейтилген график менен иштеп жатышат. Ошондой эле полисти онлайн сервистер аркылуу да алсаңыз болот.