Кыргыз Республикасынын Министрлер Кабинети мамлекеттик бюджеттен каржылануучу мамлекеттик жана муниципалдык мекемелердин, уюмдардын жана ишканалардын кызматкерлери үчүн жаңы жылдык каникулдарды 2026-жылдын 8 жана 9-январь күндөрүнө кошумча эки календардык күнгө узартуу жөнүндө токтом кабыл алды.
Бул чечим үй-бүлө институтун чыңдоо жана кышкы мектеп каникулдары мезгилинде ата-энелердин балдары менен бирге эс алуусуна кошумча шарттарды түзүү максатында кабыл алынды.
Кыргыз Республикасынын Министрлер Кабинетинин токтому Кыргыз Республикасынын «Кыргыз Республикасынын Министрлер Кабинети жөнүндө» конституциялык мыйзамынын 13- жана 17-беренелерине ылайык кабыл алынган.
Ошондой эле жеке менчик формасындагы юридикалык жактардын жетекчилерине аталган токтомду өз ишмердүүлүгүндө колдонуу мүмкүнчүлүгүн кароо сунушталат. Бул кызматкерлердин эмгек ишмердүүлүгү менен үй-бүлөлүк жашоосунун ортосундагы тең салмактуулукту камсыздоого өбөлгө түзөт.